讓我們一起實踐靜觀一分鐘。 透過持續的靜觀練習，你可以培養更深層的自我覺察。你會開始更清楚地察覺自己的情緒、思想和身體感受，而不是被它們所控制。 #靜觀 #冥想 #自愛 #心理健康 #放鬆

讀者問我，既然宣傳靜觀，為何不穿著樸素保持平靜的形象？他指出外面的靜觀導師通常會維持這種「佛系」形象，時刻保持平靜，提倡靜觀，該維持「靜」的模樣。 我理解他的想法，但是我不是那種人，也不願塑造流行的「佛系」形象，更不想扮演過度理想化的角色。我見過不自然的舉手投足——無時無刻很Calm，說話陰聲細氣，臉上帶著一種超脫的表情、看破紅塵，滿口積極、淡然地複述正面概念。雖然這樣的形象很流行，但對我來說顯得很矯揉造作。 香港生活，大部分人都忙碌，難以長期保持「完全平靜」的狀態。即使內心平靜，與人相處和工作時也需要表現得富有活力，面對令人興奮的新鮮事物時自然流露喜悅。人本來就是多元化的，長期保持完美的平靜反而顯得不自然。 靜觀是過程，不是結果。情緒有起伏是正常、是人性。儘管現在越來越多人提倡Positive vibes，我依然堅持尊重脆弱性，而不是空洞的積極性。缺乏自我意識才會限制自己完美處於一種情緒。表面光鮮的正面概念沒有作用，對內心光明與陰影的覺察與接受才是靜觀。 無法承認內心的光明和黑暗，很難為他人創造安全的空間。 真正的平靜由內在出發，透過理解溫和地

被指控性侵犯，即使有不在場證據或證明無罪，也可能摧毀一個人。 連登「我就係港大Ocamp非禮案俾人拉嗰個鄧皓然」一帖，樓主表示他因港大迎新營醜聞被捕並被拘留五天，兩名女學生指控佢非禮，即使他當時有不在場證據。當地媒體審判前公佈他的全名同照片，損害他聲譽同導致他抑鬱，心理上的創傷。他失去了朋友，並不得不暫停香港大學的學業。法庭的拖延和指控的改變加劇了他因被錯誤指控而遭受的精神痛苦。這一事件耗盡了他家裡的積蓄，並給他患有躁鬱症的父親帶來了額外的壓力。 樓主指他現時患有嚴重抑鬱症，多次考慮自殺，由於法律訴訟的辯護費用，受傷的前十字韌帶無法透過手術修復。鑑於他的聲譽，他在個人和學術上苦苦掙扎，他強調他在精神上和實踐上都承受著真正的痛苦。 除了這位事主，很多人在公眾場所被告非禮最後都被定罪，即使他們沒有做過。法庭並非是讓真相大白的場所——法庭不過是根據收集到的證據，判斷被告是有罪還是無罪的場所。曾問過一般民衆「所有的司法體系都難免會犯錯，認為以下哪種情況比較嚴重？」其中「把沒有犯法的人判成有罪」佔了37.7%；「把有犯法的人判成無罪」佔47.3%。由於任何

早前受邀請出席「給你一個撐下去的理由：身心靈市集」，擔任其中一個王牌座談會「年輕人的心聲，我們聽得多：社福界談青年精神健康」中的嘉賓主持。當天與各位探討備受關注的社會議題，和業界不同業界人士會面，眾多讀者、親友亦親臨支持，由衷榮幸和感激。 最初收到出席邀請時，得知籌辦團隊成員均是學生，也感受到這群年輕人的熱情與用心，於是欣然接受並主動投入準備是次專題討論的主持工作。當天與嘉賓們交流和討論，也感受到大家對此重要議題的熱忱和投入；現場各式攤位都匯聚了學生的創意與活力，有點像大學校園內的攤位般生機盎然。 我常年受邀去不同非牟利機構演講，難得有機會如此貼近社會各界，尤其是年輕人的聲音和想法，實在備受鼓舞；身為作者，通常出席寫作分享或作品推廣活動才遇到讀者，沒想到有些讀者特意前來市集見面！ 讀者專程到場欣賞創作者，還主動上前交流，其實需要一份勇氣。捫心自問，我遇見喜愛的偶像名人也不敢上前打招呼。而每次與你們面對面交流、合影，親身感受各位對我、我的文字的欣賞，總是喜悅與欣慰。多年前，我在一個地下音樂會碰見讀者，他竟在背包中取出我的小說作品索取簽名，當年的驚喜

最近網絡上熱門嘅出軌事件，係關於 #好青年荼毒室（哲學部）創辦人之一嘅 #鹽叔，佢喺粉絲通訊群聲明中承認隱瞞已婚同不忠嘅行為。 一般出軌唔只係Breaking promises同Betrayal，亦係Deceptive嘅行為。然而出軌終究係一個選擇，背後總有關於出軌者嘅個人原因。 就咁講出軌──完全坦誠、呃一邊、呃哂兩邊已經好唔同。不忠原因同背景千百種──有性無性、有愛無愛、有家暴無家暴、有預謀同冇預謀，後悔無悔，未婚已婚，有冇小朋友，自己講定被揭發，傷害程度同嚴重性都唔同。有啲Intentions係Justifiable，有啲純粹自私。 關於出軌嘅定義、應否修復關係、如何重建信任等，可以睇專欄文集《出軌背叛後的療癒書》。我想集中討論嘅係Healing from lies and deception。 無論正印定外遇對象，被騙都會覺得自己要負責任——係我蠢，係我無知，係我允許呢件事發生。 信錯人，好大程度係因為你本身以為彼此嘅Moral values 相近——你忠誠、坦率、真心真意去愛，你以為佢都一樣。然而心理學研究有個講法係「說謊者認為他們周圍

回首2021年，我第一次親身與大眾分享靜觀的概念和實踐。當時我完成在牛津大學靜觀中心的進修，滿懷興奮和期待，走進中學講堂向年輕人介紹靜觀。 那次分享，我仔細解釋什麼是靜觀，它的由來和基本原理，然而觀眾對背後的科學通常沒有太多興趣。 時光荏苒，四年過去了，現在的我講起靜觀，我常常使用更個人化的比喻，讓這個抽象的概念變得更具體——注意力其實像一盞明燈，照亮我們我們通往目的的道路，所以注意力是幫助我們達成目標的，燈越亮，走路越穩；呼吸像心靈的錨，穩定我們浮躁的心智，焦慮和擔心時，呼吸成為找回當下的重要工具。略顯沈悶的「冥想課」，其實是為了達到更靜謐安祥的狀態，懂得動也要學會靜，才能平衡。 我常邀請觀眾們一起進行深呼吸，感受腹部起伏，請他們閉上眼睛，傾聽四周的聲音。一起靜觀冥想後，他們除了浮現出一絲平靜的神色，也對靜觀有更濃厚的興趣。 我的靜觀不斷深化，對它的理解也變得更加透徹。我從掌握靜觀，到發現它不僅是一種單純的放鬆技巧，而是保持開放與好奇的生活態度，也是面對逆境時全然接納、持有同理心的態度。 覺知，是日常生活中實踐靜觀，也是在這個喧囂的世界中找回內

今朝睇到一個連登Post——十六腦貓貓腎衰竭，由「由好生猛喺屋跑黎跑去，到今朝行路拐下拐下又無胃口」，樓主中午專登買佢鍾意嘅零食俾佢，但到家後貓貓已經離開。 「今朝返工前來回摸咗佢幾次頭， 叫佢加油等我返黎有正野食。 佢已經唔識貓貓叫，望住我嗚住幾聲。 我就出咗門口……」 失去寵物嘅悲痛，係同失去人類親友一樣。旁人可能無法理解，唔知點安慰、支持喪親者。我希望同樓主，以及所有珍惜寵物嘅人分享—— 人同寵物嘅關係好特殊，明明無法以言語溝通，但係彼此最好嘅朋友。同一屋簷下，起居飲食生活習慣不一，但成為最親密嘅家庭成員。 寵物無條件愛護你，喺佢眼中，無論你咩狀態都係最完美。就算係你櫃桶底最舊嘅爛衫都係最柔軟、最安全嘅避風港。佢見過你嘅脆弱同堅強，佢比任何人都更留意你嘅眼淚，可能係佢更敏銳，亦可能係你從來冇喺佢面前掩飾。無論佢幾多歲，佢一直都係小朋友，依賴你、注視你，深愛你、接納你。 你嘅世界好大，但佢嘅世界一直係你，而你明白佢就算再長壽都永遠唔夠長。 失去佢可能令你好後悔、好嬲、好痛，就算其他人唔明，唔緊要，呢啲情緒完全正常，你值得被理解，你嘅內疚、憤怒

電視節目裡，我們看過「垃圾屋」的震撼場景：堆得像小山的塑膠袋、被雜物淹沒的廚房。可現實中，家裡可能也住著一位愛「儲物」的家人——只是我們不確定，他是收藏家，還是囤積者？ 曾經有網民分享，在廚櫃深處挖出一罐過期十年的午餐肉；有人囤了幾十萬港幣的化妝品與護膚品；也有人習慣囤日用品，「以備不時之需」。不管是物質還是回憶，他們都不願放手。 「壞了也能修啊，有價值就不能扔。」 「過期了，但全新啊，可能還能賣錢。」 「十年沒用？總有一天用得上。」 「留到現在了，更不能丟。」 「能用的東西扔掉太浪費，留給孩子還能傳下去。」 他們總能為任何物品找到「留下來的理由」。 可是走進囤積者的家，你會發現垃圾和食物擠在同一個櫃子，破爛的電器和全新的禮品混在一起——甚至連自己擁有什麼都記不清。翻開一堆雜物，他們會突然指著某件東西說：「這很重要。」

#精神病患者 唔一定都有#暴力傾向。 早前香港鑽石山荷里活廣場發生斬人案，唔代表所有精神病患者嘅行為。事實上，大部分精神病患者都對自己同埋其他人嘅安全都有一定關注同尊重。 部分精神病，例如精神分裂症或者躁鬱症，可能會增加患者嘅暴力傾向，但係隨機殺人事件係好罕見。 我自己睇完咁詳細嘅影片同報道都覺得唔舒服，希望大家明白呢啲情緒係正常反應。如果真係無法自控，請暫停接收相關資訊。震驚同不安之後，我哋需要保持理性同獨立思考能力。即使無法幫到患者尋求適合嘅醫療協助，都應該避免歧視或污名化精神病患者。 要分辨精神病患者有冇暴力傾向係一個複雜嘅問題，當中取決好多因素。治療師評估一個精神病患者有冇暴力傾向時，都需要了解患者嘅病史同病情，個人背景同經歷，包括佢哋嘅診斷、症狀、治療歷程，留意早期警告信號，例如情緒波動、緊張不安、恐懼、易怒同埋疑心等等，同埋觀察佢嘅外在表現同環境因素，例如佢嘅肢體語言、有冇獲得社會支持、醫療照顧同社交互動能力等等。 對外人而言，去判斷一個人有冇暴力傾向係非常困難，尤其係缺乏關於精神病嘅專業知識同對患者嘅了解，例如我哋冇辦法知道佢係咪被

各位讀者朋友都話睇完大埔龍尾村碎屍案後有強烈不安感。 睇新聞睇到Traumatized，一啲都唔出奇。 Vicarious traumatization （替代性創傷）就係指人目睹悲慘、災難場景或接觸到災民遭遇後情緒異常，包括普通民眾上網或睇電視後接觸大量訊息後情緒異常。 呢幾日大家都被暴力、仇恨同駭人嘅細節淹沒——有啲人可能本身認識本案任何人及其家屬，有啲人住喺附近，有啲人純粹幻想到已經好難受。我自己都一直留意，唔覺意就接收好多好詳細嘅資訊。 有網絡就接收資訊嘅年代裡太易搵文字資料，加上周圍都係疑似或相近圖像，仲隨時收到新聞通知關注最新案情，即使無身歷其境，了解件事已經對心理健康產生負面影響。 如果你同案中人物或地點有任何關係，你可能更焦慮、恐懼同無助。 當你注意到自己開始特別易緊張、精神上好疲憊、失眠、發惡夢、情緒低落、食慾受影響，是但一樣都好，係時候減少睇新聞、暫停留意案件嘅發展。抽啲時間俾自己休息，你需要增加瞓覺、運動、冥想同娛樂嘅時間。 暫時放低件事，唔代表唔關心件事。 放低一陣，照顧好自己先。限制自己用電話、電腦嘅時間，Pause咗A

部分網民談論受害者往往唔係為咗避免歷史重演，唔係為警世而評論，只係直接morally blame the victim。 無論係一種厭惡、偏執定畸形嘅自我防衛反應，佢地彷彿認為受害就係蠢、係自找麻煩、係壞人嘅報應。不斷證明人地嘅不是，彷彿可以證明件事唔可能發生喺自己身上。 「因為佢係咁，所以佢先有咁嘅下場。」 怪責受害人，其實想說服自己同身邊人好安全、好有可能exempted from whatever happened、件事離自己好遠。 評頭品足之前，諗吓自己有冇同理心。你唔需要用涼薄嘅方式證明自己看透世事。悲劇發生，大家都難過，可能震驚同擔憂，唔需要二次傷害受害者同其家屬去獲得安全感。

琴晚讀者朋友分享一篇關於Male gaze（男性凝視）嘅文章俾我，佢話我應該會感興趣——文章提及從事保險業嘅女性喺自己IG 上張貼性感照，被侮辱為「保險雞」、「開床單」。 本身大眾對保險業嘅偏頗印象，加上張貼性感照就Slut-shame，都唔係新鮮事。 By the way 我好鍾意同讀者交流，持續分享係我寫作嘅其中一個原因，而你地向我分享就好似拋波出去有人接仲有人扔返嚟咁，同埋你地Get 到我嘅Taste，有知音係好爽嘅事。 講返Male gaze，廣泛意指男性看待女性嘅方式賦予男性權力，同時令男、女性都Sexualize 女性、限制、貶低女性。 男性本身會否扭曲女性價值、將女性及其身體視為可佔有、使用嘅物品或道具（物化女性），唔係我可以控制嘅事，一嚟我唔係男性，二嚟我唔可以控制他人思想。 雖然男性凝視可能鼓勵女性自我物化同尊重父權，但我唔同意咁就一定阻礙女性賦權同自我倡導。 身為女性，我可以決定應否因「被凝視」延伸去影響自我認知，包括形象、自尊同自我價值；我需唔需要遵從父權嘅觀點去改變自己對身體、能力同地位嘅態度；應否屈服於異性目光，集中取悅

朋友S剛移民到紐西蘭，傳來的第一張照片是她在超市抱著一袋便宜到離譜的櫻桃。 「這邊陽光好靚，行超市都好治癒，連空氣都甜啲。」她笑著說。 聽起來像幸福嗎？ 是的，剛到一個新地方時，很多人都會有這種「蜜月期」——天氣新鮮、風景好看、日常煩惱被丟在千里之外。但心理學研究提醒我們－－這種情緒提升，有時只是短暫的。當你開始找工作、繳稅、修水管、想念舊朋友，幸福感可能又回到自己的「原始設定」。 心理學家形容這是「幸福基線」——每個人都有一個大致固定的幸福水平。環境變化可以把它推高或拉低，但過了一段時間，它會慢慢回到原來的位置。不過有趣的是，當你移居到一個整體幸福感高的地方，你的基線確實有機會被「同化」到當地水平，反之亦然。 S搬去的國家，被視為全球最幸福的前十名之一。她的日子沒有完美——新環境也有孤獨、思鄉、文化隔閡——但她發現自己更願意去公園散步、去社區活動認識新朋友，週末會帶孩子去海邊野餐。她說：「以前喺香港，假日係去商場透透氣，依家係吸吸海風。」 我見過不少移民個案，有人因為環境改善而精神狀態變好，也有人發現自己只是把舊的焦慮打包帶到新國家。移民能不能

今朝睇到個Post 講「有冇90後覺得自己已經不再年輕？」，覺得自己明顯老咗，雖然心態上仲覺得自己係細路，但行為上漸漸變化。 身體未算差，但體力減少，捱夜能力直線下降，被迫學識養生——盡量提自己早瞓，盡戒凍飲、盡戒甜食，太鹹太濃味都食唔落。有必要仲會節食，學吓人168。開始聽屋企人講，出入帶多件外套。 非必要都唔通頂，有自由有時間玩足成晚，但打機、睇波定打牌都未必叫得郁你玩通宵，寧願喺屋企靜靜過一日。有體力都想運動，行吓山好，去Gym又好，提自己要郁吓。 有啲人到今日仲講緊「食好西」，但00後10後已經講緊新潮語，唔用Facebook，少用Instagram，唔太知啲細路鍾意乜，但對新嘅嘢接受程度減低。 去開嘅商場翻新哂，蒲開嘅場好多都執埋，但已經冇興趣喺街流連，去蒲又嫌音響大，嫌個場雜，嫌啲人劈得癲。 出街少咗，朋友少咗，興趣少咗，家務瑣事多咗，開始欣賞家居好物，重視保養皮膚同頭髮，明白用金錢買時間都幾抵。 以前工作唔識仲可以問，依家自己搵方法解決，做埋中上層仲要顧埋班下屬，工作壓力大咗，放假自然想休息。 今年90後最大係33歲，最細都24歲。

八月中確診Covid-19，雖然好多人仲未中招，但對比身邊人我算係好遲先確診。最近本港確診個案數量上升，所以同大家詳細分享康復過程。 簡單概括——接受居家隔離令，有被衛生署抽樣檢測，一星期內轉陰性，長新冠。病徵、感受、應對方法同後遺症如下。 察覺有病徵時，我請假去咗做自費核酸檢測，未收到報告喉嚨已經好痛——吞口水痛，開始失聲，但唔覺得「被刀割」，不過同平時嘅普通感冒嘅痛唔同，似係完全抽乾、有沙紙磨擦嘅感覺。一乾就會痛，一直好乾，所以痛到瞓唔著或扎醒，所以我含住紫色使立消喉糖瞓覺。本身食橙色檸蜜味，但食咗兩粒發現紫色Last 得耐啲。 由於飲水令喉嚨好痛，我含住一匙麥蘆卡蜂蜜，都係網上學返嚟，暫時舒緩到，但吞咗過一陣就痛返。無咩胃口，食得清淡。 夜晚收到檢測結果，陰性。但我由下晝開始自我居家隔離，因為病徵好明顯，如果聽朝快測都陰性先出嚟。獨自一個喺房、用獨立洗手間、獨立餐具等。開始每日食必理痛同消炎藥，用Betadine嘅漱口水同喉嚨噴霧，一開始「那」到標哂眼水。 翌日快速檢測，陽性。一開聲先知完全講唔到嘢，唔係普通沙聲，係把聲塞住喺喉嚨，用力出聲