隱瞞已婚與不忠：如何從謊言和欺騙中自我療癒？

最近網絡上熱門嘅出軌事件，係關於 #好青年荼毒室（哲學部）創辦人之一嘅 #鹽叔，佢喺粉絲通訊群聲明中承認隱瞞已婚同不忠嘅行為。

一般出軌唔只係Breaking promises同Betrayal，亦係Deceptive嘅行為。然而出軌終究係一個選擇，背後總有關於出軌者嘅個人原因。

就咁講出軌──完全坦誠、呃一邊、呃哂兩邊已經好唔同。不忠原因同背景千百種──有性無性、有愛無愛、有家暴無家暴、有預謀同冇預謀，後悔無悔，未婚已婚，有冇小朋友，自己講定被揭發，傷害程度同嚴重性都唔同。有啲Intentions係Justifiable，有啲純粹自私。

關於出軌嘅定義、應否修復關係、如何重建信任等，可以睇專欄文集《出軌背叛後的療癒書》。我想集中討論嘅係Healing from lies and deception。

無論正印定外遇對象，被騙都會覺得自己要負責任——係我蠢，係我無知，係我允許呢件事發生。

信錯人，好大程度係因為你本身以為彼此嘅Moral values 相近——你忠誠、坦率、真心真意去愛，你以為佢都一樣。然而心理學研究有個講法係「說謊者認為他們周圍的每個人都和他們一樣不誠實」。

被騙，的確係你允許呢件事發生，同時意味住你可以隨時停止。

最重要係原諒自己。所有說謊者都要為自己嘅行為負責，你從今只需要為自己負責。

誠實嘅人好少刻意但唔介意為真相提供證據，但說謊者會刻意Offer同時又好介意人地驗證。我地好難要求任何說謊者自願坦白、承認責任，如果佢願意咁做係一個Bonus。但Good news 係你唔需要佢還你任何事實——你嘅受傷就係事實，你負責原諒自己受傷。