90後覺得自己已經不再年輕，原來成長得好快

今朝睇到個Post 講「有冇90後覺得自己已經不再年輕？」，覺得自己明顯老咗，雖然心態上仲覺得自己係細路，但行為上漸漸變化。

身體未算差，但體力減少，捱夜能力直線下降，被迫學識養生——盡量提自己早瞓，盡戒凍飲、盡戒甜食，太鹹太濃味都食唔落。有必要仲會節食，學吓人168。開始聽屋企人講，出入帶多件外套。

非必要都唔通頂，有自由有時間玩足成晚，但打機、睇波定打牌都未必叫得郁你玩通宵，寧願喺屋企靜靜過一日。有體力都想運動，行吓山好，去Gym又好，提自己要郁吓。

有啲人到今日仲講緊「食好西」，但00後10後已經講緊新潮語，唔用Facebook，少用Instagram，唔太知啲細路鍾意乜，但對新嘅嘢接受程度減低。

去開嘅商場翻新哂，蒲開嘅場好多都執埋，但已經冇興趣喺街流連，去蒲又嫌音響大，嫌個場雜，嫌啲人劈得癲。

出街少咗，朋友少咗，興趣少咗，家務瑣事多咗，開始欣賞家居好物，重視保養皮膚同頭髮，明白用金錢買時間都幾抵。

以前工作唔識仲可以問，依家自己搵方法解決，做埋中上層仲要顧埋班下屬，工作壓力大咗，放假自然想休息。

今年90後最大係33歲，最細都24歲。覺得自己大得好快，屋企人都老得好快。

LIHKG: 有冇90後覺得自己已經不再年輕？ https://lihkg.com/thread/3404507/