好多人以為講句對唔住就係道歉

當有人同我講完對唔住，問我仲想點，我就會質疑佢嘅真誠度，無例外。受過傷就知呢句嘢真係好難聽，完全係 Counterfeited或adulterated。講得出口，有意定無意都證明唔 Apologetic。

我唔覺得係 Unpopular opinion，但學校又真係冇教。

幸好成世人只聽過兩次，對方目的基本上都係 Shift of blame一一佢知你難過，但佢道歉唔係想為自己嘅行為負責，只係 Minimizing culpability 同deflecting blame。同埋講得出呢句，通常都冇點承認過失，佢唔係唔知自己做過乜，係盡量唔提。我都明，可能真係好尷、好羞恥、好醜怪，所以唔想講出口，同時證明佢唔係真係完全意識到行為嘅有害程度同影響。

咁我點先覺得道歉係真誠？好簡單，就係對自己負責任。任何一個 Geniune apology 都包含接受並願意為自己嘅行為負責，你可以解釋，但唔係搵藉口。一邊講對唔住一邊Justify 行為或怪責其他人就冇意思。唔係要你對我負責，至少要對自己負責。覺得好Harsh？係時候反思平時搵幾多藉口令自己好過啲。

道歉，因為充份理解自己嘅行為過失，就算體會唔到對方嘅痛都有足夠Empathy 同 Willingness 去聆聽、認可對方嘅痛，而呢件事嘅本質唔需要任何理由包裝。如果過失導致他人有負面情緒，接納呢啲情緒都係其中一個後果。你唔可以傷害完人，又叫人地唔准痛。

至於你願唔願意 Commit 去改變、反省、彌補、Engage in personal growth，就係你本身自覺「有幾對唔住」。唔係叫你成世人悔疚，冇人迫你一世揹住罪孽，係你自己有幾持續地作出一啲 Align with the apology 嘅行為。冇人可以迫你承諾同監管你嘅行為（除非你犯法），亦唔應該咁做。

講到底就係為自己負責。你之後做啲咩、唔做啲咩，唔係籌碼，係你嘅個人選擇；對方要唔要原諒、信任你，都係佢嘅個人選擇。

都未做到呢步，只係講句對唔住，就要求對方一定原諒、Move on，如果佢唔原諒就發爛渣，威脅對方唔好再提，咁樣情緒勒索真係有歉意嗎 ？對唔住三隻字唔會令你企喺道德高地。你問我仲想點？如果我仲 Care，我想你體諒我嘅痛楚並改過自新；如果我唔 Care，冇想點。

然而問「仲想點？」唔係最差，我最睇唔起嘅係一路道歉一路扮受害者。引用我好鍾意嘅《Oppenheimer》其中一句對白：「You don't get to commit to sin and then ask all of us to feel sorry for you when there are consequences. 」

道歉其實冇咩學問，真誠就自然做到。