面對不確定性，學會放下對「完全控制」的執念。 那天下午，她衝進我的房間，氣得直發抖。「我已經安排好一切了！行程、時間表、交通、餐廳……全部準備好，結果他一句話就把計劃全毀了。」 我看著她，不急著說話，我懂那種對失控的恐懼，比事件本身還要痛苦。 有些人害怕變化，就像怕黑一樣本能。喜歡一切按步就班，不愛驚喜，甚至連小事被打亂，都能讓人焦慮好幾天。 你可能會想盡辦法抓回控制感——做清單、反覆檢查、過度準備、向身邊人不斷尋求保證。這些行為看似負責，其實是因為「不確定性」讓你無法安心。

今朝睇到個Post 講「有冇90後覺得自己已經不再年輕？」，覺得自己明顯老咗，雖然心態上仲覺得自己係細路，但行為上漸漸變化。 身體未算差，但體力減少，捱夜能力直線下降，被迫學識養生——盡量提自己早瞓，盡戒凍飲、盡戒甜食，太鹹太濃味都食唔落。有必要仲會節食，學吓人168。開始聽屋企人講，出入帶多件外套。 非必要都唔通頂，有自由有時間玩足成晚，但打機、睇波定打牌都未必叫得郁你玩通宵，寧願喺屋企靜靜過一日。有體力都想運動，行吓山好，去Gym又好，提自己要郁吓。 有啲人到今日仲講緊「食好西」，但00後10後已經講緊新潮語，唔用Facebook，少用Instagram，唔太知啲細路鍾意乜，但對新嘅嘢接受程度減低。 去開嘅商場翻新哂，蒲開嘅場好多都執埋，但已經冇興趣喺街流連，去蒲又嫌音響大，嫌個場雜，嫌啲人劈得癲。 出街少咗，朋友少咗，興趣少咗，家務瑣事多咗，開始欣賞家居好物，重視保養皮膚同頭髮，明白用金錢買時間都幾抵。 以前工作唔識仲可以問，依家自己搵方法解決，做埋中上層仲要顧埋班下屬，工作壓力大咗，放假自然想休息。 今年90後最大係33歲，最細都24歲。

八月中確診Covid-19，雖然好多人仲未中招，但對比身邊人我算係好遲先確診。最近本港確診個案數量上升，所以同大家詳細分享康復過程。 簡單概括——接受居家隔離令，有被衛生署抽樣檢測，一星期內轉陰性，長新冠。病徵、感受、應對方法同後遺症如下。 察覺有病徵時，我請假去咗做自費核酸檢測，未收到報告喉嚨已經好痛——吞口水痛，開始失聲，但唔覺得「被刀割」，不過同平時嘅普通感冒嘅痛唔同，似係完全抽乾、有沙紙磨擦嘅感覺。一乾就會痛，一直好乾，所以痛到瞓唔著或扎醒，所以我含住紫色使立消喉糖瞓覺。本身食橙色檸蜜味，但食咗兩粒發現紫色Last 得耐啲。 由於飲水令喉嚨好痛，我含住一匙麥蘆卡蜂蜜，都係網上學返嚟，暫時舒緩到，但吞咗過一陣就痛返。無咩胃口，食得清淡。 夜晚收到檢測結果，陰性。但我由下晝開始自我居家隔離，因為病徵好明顯，如果聽朝快測都陰性先出嚟。獨自一個喺房、用獨立洗手間、獨立餐具等。開始每日食必理痛同消炎藥，用Betadine嘅漱口水同喉嚨噴霧，一開始「那」到標哂眼水。 翌日快速檢測，陽性。一開聲先知完全講唔到嘢，唔係普通沙聲，係把聲塞住喺喉嚨，用力出聲